Eusko Jaurlaritzako Kultura eta Hizkuntza Politika Sailak sustatuta eta Tabakalerak kudeatuta, KSIatea izeneko Kultura eta Sormen Industriak Nazioartekotzeko Programak helburua sektoreko enpresei merkatu eta bezero berrietara zabaltzeko politika planteatzen laguntzea da, nazioartekotzearen esparruan.
Helburua da nazioartekotzeko potentzialari buruzko 70 diagnostiko egitea eta nazioartekotzeko 30 plani ekitea abian den urtea amaitu baino lehen, hautatutako proiektuak EAEn dauden KSIen nazioartekotzeari laguntzeko programetan aurkeztu ahal izateko, bai autonomia-erkidegoan (Basque Trade and Investment), bai lurralde-mailan (Foru Aldundiak).
Planak diagnostikatzeko, hautatzeko, osatzeko eta prestatzeko prozesuetan metodologia propioa erabilita, programak nazioartekotze-plan bat prestatuko du hautatutako enpresekin.
Programan parte hartzeko eskaera igorpena
Eskaerak egiteko epea 2020ko ekainaren 15etik urriaren 15era egongo da zabalik: eskaera-inprimakia