Liburu azoken kanpainan parte-hartzeko baldintzak
Liburu Azoketan parte hartu nahi dutenek edo haien ordezkariek, inprimaki ofiziala erabiliz, luzatu behar dute eskaria. Eskabideak posta elektronikoz edo postaz bidali behar dira, edo zuzenean honako helbide honetan entregatu:
Euskadiko Liburu-Ganbara
Lehendakari Aguirre, 11 – 3º
48014 BILBAO
Azoketan parte hartzeko, liburu azoka hasi baino 20 egun lehenago bidali behar da inprimaki eskaria. Harekin batera ordain kuota ez baldin bada betetzen ez du baliorik izango eskariak. Etxolak inaugurazioaren aurreko egunetan esleituko dira.
Batzorde antolatzaileak ez du onartuko aurretiz beste azokaren bat ordaindu gabe duen partehartzailerik.
Azokari bakoitzak dagokion etxola zabalik eta modu egokian mantenduko du azokaren ordutegia errespetatuz. Azoka orduetan norbaitek bere etxola itxita badauka, Azoka batzordeak edo ordezkariren batek ohartaraziko dio berehala zabaldu dezan. Ez badu jaramonik egiten edo berriz ixten baldin badu Azokan parte hartzeko eskubidea galduko du eta bere standa itxi egingo da, ordain kuota berreskuratzeko aukerarik gabe.
Etxola bakoitzak argi erakutsiko du eskaria betezen duenaren izena eta ezinezkoa izango da beste bati eskaintzea edo errentan ematea. Halaber, debekatuta dago sinadura eskatzailearen izena aldatzen duten kartelak eta etxolaren kanpoaldean jarritako beste edozein iragarki jartzea.
Parte-hartzaileek sexu-erasoen eta eraso sexisten aurrean azoketan jarduteko protokoloa ezagutu eta bete behar dute. Protokolo hori webgune honetan dago eskuragarri: https://liburuganbara.eus/wp-content/uploads/2024/03/Protocolo-de-prevencion-y-actuacion-en-caso-de-acoso.pdf
Azokako parte-hartzaileek ezin izango diete bisitariei erosketan abantaila gehigarririk eman, Azoken Batzordeak kasu bakoitzean oro har ezar ditzakeenez gain.
Liburu Azoken Batzordeak ezarriko du derrigorrez betebeharrezko ordutegia. Azokari bakoitza da bere etxolaren arduradun eta gaizki erabaliz gero kalteak ordainduko ditu.
Euriak, suak edota lapurketak eragindako kalteak ez ditu Azoka Batzordeak bere gain hartuko.
Azoka Batzordeari ez dagozkien arazoegaitik bertan behera gelditu ezkero azoka, azokalarien galtzeak ez ditu beregain hartuko batzordeak.
