Eusko Jaurlaritzako Kultura eta Hizkuntza Politika Sailak KSIei laguntzeko zerbitzuak egokitzen eta indartzen jarraitzen du, KSI Berritzaile programaren bidez, oraingoan, zerbitzu berri bat eskainiz: EGOKITU 2020.
Zerbitzu honen helburua da orientazioa eta laguntza ematea egungo krisiaren ondorioz negozio-eredua aldatzeko premiekin, finantzaketaren kudeaketarekin edo digitalizazio-aukerekin zerikusia duten erronketarako irtenbideak bilatzeko erabakiak hartzeko orduan.
Bi erabiltzaile motari zuzendutako zerbitzua izango da:
- KSI enpresak edo erakundeak banaka.
- Premia edo arazo komun bat duten enpresa-taldeak.
Zerbitzua 2020ko irailaren 1ean irekiko da, eta ezarritako baliabideak agortu arte egongo da indarrean, gehienez ere 2020ko azaroaren 30era arte.
Informazio gehiago erantsitako dokumentuan bidaltzen dizuegu.
