EUSKADIKO LIBURU GANBARA Euskadin Liburu arloko profesionalen interesen ordezkaritza eta eragintza aurrera eramateko 1980. urtean sortutako irabazi-asmorik gabeko elkartea da. Liburugintzan espezializatuak diren liburu denda, banatzaile, argitaletxe eta arte grafikoak batzen ditu.
Euskadiko Liburu Ganbarak estatutuen bidez dituen helburu, konpetentzi eta funtzioak hurrengo hauek dira:
- Liburuaren merkataritza eta banaketa, produkzioaren garapen eta promozioa, argitalpen askatasun eta zabalkundea defendatuz.
- Elkarteko profesional eta enpresen interes amankomunen defentsa, sustapen, kudeaketa eta ordezkaritza, beraien aduana aitorpenak egiteko ahalmenarekin, Estatutuen arauen bidez.
- Lan eta zerbitzuak eratu, ekimenak garatuz, elkarteko profesionalentzat zein enpresentzat beharrezko direnean, komertzialak izan edo ez izan, beti liburu arloko profesionalen eraketa eta prestakuntzarako ahalegin berezia eginaz.
- Liburuarekin zerikusia duten kultur ekintza, erakusketa edota liburu azokak antolatu.
- Elkarteko profesional, enpresen eragintza eta Liburu arloaren ezagutzarako beharrezko diren dokumentazio eta estatistikak eratu eta prestatu.
- Herri Administrazioarekin elkarlanean -bere helburuak hobeto betetzeko beharrezko dituen ordezkatutako funtzioak hartuz- eta Liburuarekin lotutako erakundeekin elkarlanean aritu.
- Elkarteko profesional eta enpresen eragintzarako eta Liburu arloa ezagutarazteko egokiak izango diren dokumentazio eta estatistikak landu eta eratu.
- Desleial eta zilegi ez den konpetentzia baztertu eta ezetsi forma eta agerpen guztietan.
